今次交車速遞係最唔捨得交嘅一部車…………😭

今次交車速遞係最唔捨得交嘅一部車…………😭

早個幾星期熟客仔兼老友記嘅鍾生突然間打俾小弟阿飛，鍾生話想搵返部行政座駕用作代步用途，有冇好介紹呀？咁我就介紹咗部呢期最好賣嘅Toyota Mark X S版俾鍾生，鍾生亦第二日放咗工就即刻上去我地 #天富 嘅車場睇睇部08 Mark X, 睇完車試埋車，鍾生都非常滿意！

大家就係喺傾吓傾吓計嘅Moment，咁就喺言談中得知小弟阿飛想割愛部Benz E仔，因為熟悉我耐嘅熟客仔同老友記都知我阿飛好錫車，好悉心保養部愛駒，另外鍾生亦係一個非常愛車之人，對車好有熱誠同研究，大家志同道合，鍾生仲話與其賣俾人！不如賣俾我啦！！咁呢部陪伴我多年嘅好拍檔🚗就俾鍾生横刀奪愛咗嘞…………😭😭

相信大家都有以上經驗，一部Keep咗多年嘅車，付出咗好多……好多……心機，時間，金錢去打理，當換車時轉讓到其他人手上，亦都希望下一首車主都係咁愛錫部車，第日喺路上見返部車都依然精神爽利，將部車嘅精神繼續延續落去！大家有冇同感？？

祝願鍾生路路亨通，出入平安，身體健康😄😄👍

PS: 希望阿新車主鍾生你好好愛錫佢，OK?😅😅